Plantun de Prouvènço

Pèr coumpara dos planto d'encò nostre

Cytisus scoparius & Sedum album

fotò
fotò
Gruas

Cytisus scoparius

Fabaceae Leguminosae

Autre noum : Genèst.

Nom en français : Genêt à balais.

Descripcioun :
Aquéu genèst, proun coumun en Éuroupo e en Franço, se vèi gaire au nostre, aleva en auto Prouvènço ounte pòu èstre aboundant. I'agrado li relarg sènso cauquié, pamens se vèi quàsi pas en Prouvènço séusouso ounte èi remplaça pèr l'argèiras, Cytisus spinosus. Lou gruas ié sèmblo, pamens à ges d'espino e si tijo an soulamen 5 costo. Li dòusso, un cop maduro, soun negrasso e peludo.

Usanço :
Lou gruas, dins li relarg ounte trachis, servié à faire d'escoubo. Se manjo pas que caup d'alcalouïde dangerous. Li flour soun diuretico e, richo en flavounouïde, soun bono pèr la circulacioun dóu sang. La spartehino caupudo dins li ramo a d'ùni prouprieta cardiaco e abourtivo.

Port : Aubret
Taio : 0,5 à 3 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Cytisus
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 15 à 25 mm
Flourido : Printèms

Sòu : Si
Autour basso e auto : 0 à 1600 m
Aparado : Noun
Mai à jun

Liò : Champino - Ermas - Camin
Estànci : Subremediterran à Mountagnard
Couroulougi : Éuroupenco
Ref. sc. : Cytisus scoparius (L.) Link , 1822 (= Sarothamnus scoparius (L.) Wimm. ex W.D.J.Koch )

fotò
fotò
Rasin-fèr

Sedum album

Crassulaceae

Àutri noum : Rasinet, Ris-fèr, Ris-sóuvage, Rin-fèr.

Noms en français : Orpin blanc, Trique madame.

Descripcioun :
Lou rasin-fèr trachis en coulounìo sus li paret e li roucas d'à pau près d'en pertout au nostre. Li fuieo soun poupouso coume pèr tóuti li Sedum, verdo o de cop que i'a un pau rouginasso. Li flour soun d'un poulit blanc d'ounte ressorton lis antèro dis estamino, negro à vióuleto.

Usanço :
Li fueio, pèr l'ensalado, e li racino, en tian coume de pastenargo, soun manjadisso. Ei reputa bon contro li moureno (principe di signaturo), P. Lieutaghi, op.cit. p. 372.

Port : Erbo
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Sedum
Famiho : Crassulaceae


Ordre : Saxifragales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun

Liò : Colo - Basso mountagno - Mountagno mejano - Paret
Estànci : Termoumediterran à Subaupen
Couroulougi : Pancaro entresigna
Ref. sc. : Sedum album L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
R
CC
CC
R
CC
CCC
CC

Cytisus scoparius & Sedum album

RR
ges
C
ges
RR
ges
ges
ges

Coumpara Gruas emé uno autro planto

fotò

Coumpara Rasin-fèr emé uno autro planto

fotò